Ystanbul shirkeýindegi atystan keıin ustalǵan kúdiktiler arasynda Reseı azamaty bar

<p>YSTANBUL. KAZINFORM &ndash; Túrkııa polıtsııasy 28 qańtarda bolǵan shirkeýdegi atysqa qatysy bar degen kúdikpen 47 adamdy ustady, olardyń arasynda Reseı azamaty da bar. Bul týraly jýrnalısterge Túrkııa ІІM basshysy Álı Erlikaıa málim etti, dep habarlaıdy <a href="https://tass.ru/mezhdunarodnaya-panorama/19841395" target="_blank" rel="noopener">&laquo;TASS&raquo;</a> agenttigi.</p>

«Shirkeýge qarýly shabýyl jasaý týraly isti tergeý aıasynda 30 mekenjaı boıynsha operatsııalar júrgizildi, nátıjesinde 47 adam ustaldy. Onyń ishinde bir Reseı azamaty jáne bir Tájikstan azamaty bar. Olardyń «Islam memleketine» (Qazaqstanda tyıym salynǵan uıym – red.) qatysy bolýy múmkin», - dedi ol.

Mınıstrdiń aıtýynsha, ustalǵandar qaýipsizdik basqarmasyna jetkizildi, olardan tótenshe jaǵdaıǵa qatysty jaýap alynady.

«Ystanbul ǵasyrlar boıy ártúrli konfessııanyń ókilderi úshin pana boldy, aldaǵy ýaqytta da solaı bolyp qalady. Biz elimizdegi beıbitshilik pen tynyshtyqty buzǵysy keletinderge eshqashan jol bermeımiz», - dep atap ótti Álı Erlikaıa.

Eske salsaq, jeksenbi kúni tańerteń eki qarýly adam Ystanbuldaǵy hrıstıan shirkeýinde oq jaýdyrdy. Ádeıi jasalǵan qastandyq delingen oqıǵa kezinde bir adam qaza tapty.