Ystanbul aýdanynyń basshysy para aldy degen kúdikpen ustaldy

<p>ASTANA. KAZINFORM &mdash; Túrkııada oppozıtsııalyq Respýblıkalyq-halyq partııasy ókiliniń ustalýyna qatysty jańa saıası janjal órshidi, dep jazady Kazinform <a href="https://www.inform.kz/ru/glavu-odnogo-iz-rayonov-stambula-zaderzhali-po-podozreniyu-v-korruptsii-a8ba00" target="_blank" rel="noopener">menshikti tilshisi.</a></p>

Kúsh qurylymdarynyń sybaılas jemqorlyqqa qarsy aýqymdy operatsııasy aıasynda Beshiktas aýdanynyń basshysy Ryza Aqpolat pen taǵy 47 adam, onyń ishinde Beltash mýnıtsıpaldy kompanııasynyń qyzmetkerleri jáne basqa da kúdiktiler ustaldy. Ustalǵandarǵa qylmystyq top qurý, para alý jáne memlekettik tenderler arqyly alaıaqtyq jasady degen aıyp taǵyldy.

Tergeýshiler kásipker Azız Ihsan Aqtas bastaǵan top óz kompanııalarynyń jeńiske jetýin qamtamasyz etý úshin memlekettik satyp alý protsesin burmalaǵanyn aıtady. Jergilikti ákimshilikpen tyǵyz baılanysy bar Beltaş kompanııasy tergeý ortasynda boldy. Quqyq qorǵaý organdarynyń málimetinshe, tintý men tekserý barysynda tender ótkizýde kóptegen zań buzýshylyqtar anyqtalǵan.

Alaıda oppozıtsııalyq partııa ókilderi, onyń ishinde partııa tóraǵasy Ozgıýr Ozel men Ystanbul meri Ekrem Imamoglý bıliktiń áreketin qatań synǵa aldy. Olar bul isti saıası astary bar jáne saılaý qarsańynda oppozıtsııanyń bedelin túsirýge baǵyttalǵan dep atady. Imamoglynyń aıtýynsha, bul oppozıtsııalyq mýnıtsıpalıtetterge qarsy júıeli túrde kúsh salýdyń bir bóligi, onyń ornyna olar jemqorlyqpen kúresýde jáne qalalyq ınfraqurylymdy jaqsartýda aıtarlyqtaı jetistikterge jetti.

Ryza Aqpolattyń jaqtastary da bul aıyptaýlar Ystanbuldyń mańyzdy aýdandarynyń birindegi partııaǵa degen senimge nuqsan keltirý úshin qoldanylǵan áreket dep sanaıdy. Sońǵy jyldary oppozıtsııalyq partııa eldiń iri qalalarynda, sonyń ishinde Ystanbul men Ankarada ótken saılaýda jeńiske jetip, óz ustanymyn nyǵaıtty.

Al, bılik bul tergeýdiń tek zańdy sıpatta ekenin jáne kúdiktilerdiń saıası kózqarasyna qaramastan sybaılas jemqorlyqty ashýǵa baǵyttalǵanyn alǵa tartady.

Ryza Aqpolattyń qamaýǵa alynýy Túrkııadaǵy eń tanymal oqıǵalardyń birine aınalyp, qoǵamda jáne BAQ-ta qyzý pikirtalas týdyrdy. Sheneýnikti qoldaǵan adamdar kóshege shyǵyp, narazylyq bildirdi.

Eske salsaq, budan buryn Túrkııanyń qarý-jaraq zaýytynda jarylys bolyp, 12 adam qaza tapqanyn jazǵan edik.