Ispanııanyń Valensııa qalasyndaǵy órtten 4 adam qaza taýyp, 14 adam habar-osharsyz ketti

<p>ASTANA. KAZINFORM &ndash; Ispanııanyń shyǵysyndaǵy Valensııa qalasynda 14 qabatty turǵyn úıdi sharpyǵan órtten tórt adam qaza taýyp, 14 adam iz-túzsiz joǵalyp ketti. Bul aqparatty juma kúni resmı aqparat kózderi rastady, dep jazady <a href="https://russian.news.cn/20240224/4bf0eb94c56843a3a4b3782b69e466b1/c.html" target="_blank" rel="noopener">Sınhýa </a>agenttigi.</p>

Órt beısenbi kúni jergilikti ýaqyt boıynsha saǵat 17:30 shamasynda (shamamen 450 adam turatyn 138-shi ǵımaratta shyqqan, dep habarlaıdy jergilikti BAQ.

Juma kúni tańerteń órt sóndirýshiler men polıtsııa qyzmetkerleri iz-túzsiz joǵalǵandardy izdeý úshin ǵımaratqa kirdi.

Órt saldarynan 15 adam zardap shekti, onyń jeteýi órt sóndirýshi. Beseýi aýrýhanaǵa jetkizildi.

Órt ǵımarattyń ortańǵy bóliginde bastalǵan, biraq keıin tez taralyp, jarty saǵattyń ishinde búkil úıdi sharpyǵan.

Jergilikti aqparat quraldarynyń habarlaýynsha, órttiń taralýyna bir jaǵynan shamamen 60 km/saǵ jyldamdyqpen soqqan jel, ekinshi jaǵynan ǵımarattyń syrtyndaǵy qaptamalar yqpal etken.

Turǵyn úıge qalyńdyǵy 10 sm bolatyn janǵysh polıýretandy jabyn tóselgen, bul — órttiń apatty jyldamdyqpen taralýyna múmkindik berdi.