Ispanııalyq baıqaýshy: Bul saılaýdyń jańa saıası býyn úshin mańyzy zor

NUR-SULTAN. QazAqparat - Ispanııadan kelgen halyqaralyq baıqaýshy Hose Lýıs Orelıa Martınes Qazaqstandaǵy saılaýdyń jańa saıası býyn úshin mańyzy zor ekenin aıtty, dep habarlaıdy QazAqparat tilshisi.

«Saılaýdyń ótý protsesi standarttyq úlgide ótip jatyr. Tańerteń túrli delegatsııa múshelerimen sóılestim. Bári de eshqandaı óreskel qatelik bolmaǵanyn aıtty. Bul saılaý protsesi Qazaqstan úshin, Ortalyq Azııa óńiri úshin óte mańyzdy. Qazaqstan atalmysh aımaqta turaqtylyqty qamtamasyz etip otyr. Jańa saıası býyn úshin óte eleýli oqıǵa. Qaýipsizdik keńesinde, BUU-da óz orny bar memleket. Eýropa, Reseı, Qytaı sııaqty birneshe iri ekonomıkamen shektesip jatyr», - dedi Ispanııa ókili.

Aıta keteıik, buǵan deıin Majarstan ókili búgingi saılaýda Eýropa elderindegideı barlyq halyqaralyq standart saqtalǵanyn aıtqan bolatyn.

Al «Amanat» azamattyq platformasy saılaý barysyna qatysty alǵashqy esebin jarııalady.

Eske salsaq, Qazaqstandaǵy saılaýdy myńnan astam sheteldik baıqaýshy qadaǵalaýda.