Ispanııada sý tasqyny qurbandarynyń sany 223-ke jetti

<p>ASTANA. KAZINFORM -&nbsp; Jábirlenýshilerdiń kópshiligi Valensııa avtonomdy qaýymdastyǵynda tirkelgen, dep habarlaıdy <a href="https://tass.ru/proisshestviya/22354995" target="_blank" rel="noopener">TASS.</a></p>

Ispanııada sý tasqynynan qaza tapqandar sany 223-ke jetti, qurbandardyń basym kópshiligi eldiń shyǵysyndaǵy Valensııa avtonomdy qaýymdastyǵynda tirkelgen. Bul týraly Ispanııanyń kólik mınıstri Oskar Pýente X jelisinde habarlady.

«223 adam qaza tapty», - dep jazdy ol. Onyń aıtýynsha, Valensııada 215 qurban tirkelgenin, Kastılııa-La-Mancha avtonomdy qaýymdastyǵynda – 7, Andalýsııada – 1.

Habar-osharsyz ketkenderdiń sany – 78. Bul rette vedomstvo basshysy apat kezinde qaza tapqandardyń 48-i áli anyqtalmaǵanyn atap ótti.

Ispanııanyń ońtústik-shyǵysyndaǵy búkil aýdandar men aýyldar qırandyǵa aınaldy. Mundaı joıqyn apattyń sebebi aımaqqa kelgen DANA klasyndaǵy daýyl boldy. Ol kóbinese tabıǵı apattarǵa aınalatyn atmosferalyq «sýyq tamshy» qubylysyn týdyrdy. Ispanııa Premer-mınıstri Pedro Sanches osy ǵasyrda kórgen eń aýyr sý tasqynynan keıin óz elin qalpyna keltirýge kómektesý úshin Eýropalyq yntymaqtastyq qorynan qarajat surady.

Ispanııadaǵy alapat sý tasqynynan 89 adam iz-túzsiz joǵalǵandar sanatynda qalyp otyrǵanyn jazǵan bolatynbyz.