Ispanııada tótenshe jaǵdaı rejımi engizilýi múmkin

<p>ASTANA. KAZINFORM &ndash; Ispanııa úkimeti elde tótenshe jaǵdaı rejımin engizý múmkindigin qarastyryp jatyr. Bul shara eldiń Eýropalyq yntymaqtastyq qorynan kómek alý protsesin jedeldetýge yqpal etedi dep úmittenedi. Ispanııanyń premer-mınıstri Pedro Sanches qyrkúıek aıyndaǵy ǵasyrdyń eń aýyr sý tasqyny dep tanylǵan apat saldarynan zardap shekken aýdandardy qalpyna keltirýge qarjy surady, dep habarlaıdy <a href="https://ru.euronews.com/my-europe/2024/11/02/spain-floods-sanchez-saturday-ru" target="_blank" rel="noopener">Euronews</a> agenttigi.</p>

«Men qabyldanyp jatqan sharalardyń jetkiliksiz ekenin bilemin. Resýrstardyń jetispeýshiliginen, qyzmetterdiń buzylýynan, balshyq astynda qalǵan qalalardan, jaqyndaryn izdep júrgen turǵyndardyń jaǵdaıynan habardarmyn. Biz jumysymyzdy kúsheıtýimiz kerek, bárimiz birigip áreket etýimiz kerek ekenin bilemin», — dedi Pedro Sanches.

Valensııa aımaǵy stıhııadan eń kóp zardap shekkendikten, úkimet beıbit ýaqytta alǵash ret aýqymdy áskerı qyzmetti kómekke jiberdi. 

Qazirgi tańda iz-túzsiz joǵalǵan adamdar izdestirilip jatyr. Qutqarýshylar sýǵa batyp ketken kólikter men ǵımarattardy izdep, qoqystardy tazalaý jalǵasyp jatyr. 

Tótenshe aýa raıy eskertýleri Ispanııanyń soltústik-shyǵysynda jáne ońtústiginde jeksenbige deıin kúshinde bolady. Senbide bılik Balear araldarynda, sondaı-aq Katalonııada qatty jańbyr qaýpi týraly eskertti.

Sońǵy derekterge saı, apat saldarynan qaza tapqandar sany 211 adamǵa jetti.