Ispanııada shamamen 6000 jyl burynǵy balǵa men súıretpe tabyldy

<p>Albýnoladaǵy (Granada, Ispanııa) Kýeva de los Mýrsıelagos úńgirinde Eýropanyń ońtústiginde turatyn ańshylar men ertedegi fermerlerdiń (sáıkesinshe 9500 jáne 6200 jyl buryn) ósimdik zattaryn toqyǵandyǵyn rastaıtyn dálelder tabyldy, dep habarlaıdy <a href="https://kaz.inform.kz/" target="_blank" rel="noopener">QazAqparat </a><a href="https://arkeonews.net/evidence-of-the-oldest-hunter-gatherer-basketry-in-southern-europe-discovered-in-spanish-cave/" target="_blank" rel="noopener">Arkeonews </a>saıtyna silteme jasap.</p>

Kýeva de los Mýrsıelagos nemese jarǵanattar úńgiri — HІH ǵasyrda taý-ken jumystary kezinde tabylǵan Ispanııanyń ońtústik-batysyndaǵy úńgirler júıesi. Úńgirdegi qazba jumystary kezinde qorjyndar, súıretpeler jáne aǵash balǵa tabyldy.

Bul jer - Pıreneı túbeginde tabylǵan organıkalyq materıaldardyń biregeı saqtalýyna baılanysty tarıhqa deıingi dáýirdegi mańyzdy arheologııalyq oryndardyń biri.

Ispanııadaǵy Alkala ýnıversıtetiniń qyzmetkeri Fransısko Martınes Sevılıa men onyń áriptesteri úńgirden tabylǵan 76 jádigerdi zerttedi. Zertteý Science Advances jýrnalynda jarııalandy.

Qazba jumystary kezinde esparto shóbinen (alfa nemese qaýyrsyn shóp) toqylǵan 65-ke jýyq buıymdar anyqtaldy, onyń ishinde sebetter jıyntyǵy, esparto shópterin usaqtap, buraý arqyly jasalǵan súıretpeler, balǵa men qazý taıaqtary sııaqty aǵash quraldar bar.

Boljam boıynsha, tabylǵan zattardyń bir bóligi eki ýaqyt kezeńiniń birine jatady: b.z.b. 7950-7360 jyldar nemese b.z.b. 4370-3740 jyldar.

Alkala ýnıversıtetiniń zertteýshisi Fransısko Martınes Sevılıanyń aıtýynsha, oljalardy mezolıt dáýirindegi ańshylar jasaǵan, al eski nysandardy neolıt dáýirindegi fermerler paıdalanǵan bolýy múmkin.

Úńgirden tabylǵan shamamen 6000 jyldyq súıretpe - Eýropada tabylǵan eń kóne aıaq kıim.

Toqýdyń sapasy men tehnologııalyq kúrdeliligi Eýropanyń ońtústiginde aýyl sharýashylyǵy paıda bolǵanǵa deıin adam qaýymdarynyń ómiriniń qarapaıymdylyǵy týraly boljamdarǵa kúmán keltiretini atap ótiledi.