Ispanııada «Şýchınsk-Býrabaı» týrıstik aımaǵy tanystyryldy
Eske sala keteıik, 2017 jyly ótken halyqaralyq kórmege 165 elden 10 myń kompanııa, týrızm bıznesindegi 136 myń maman qatysqan bolatyn. Kórmeni 110 myń adam tamashalady.
Bıyl bul kórmege Qazaqstan Respýblıkasy atynan Aqmola oblysynyń delegatsııasy qatysyp otyr. Delegatsııa quramyna Aqmola oblysynyń týrıstik aqparattyq ortalyǵy, «Atameken» óńirlik kásipkerler palatasy, oblystyq týrıstik qaýymdastyq ókilderi men týroperatorlar endi.
Aqmolalyqtar usynǵan «Visit Akmola» qabyrǵa taqtasynyń ashylýyna Qazaqstannyń Ispanııa koroldigindegi Tótenshe jəne ókiletti elshisi Baqyt Dúısenbaev, ıÝNVTO dúnıejúzilik týrıstik uıymynyń ókilderi qatysty.
Kórmede Aqmola oblysy «Şýchınsk-Býrabaı» kýrortty aımaǵynyń týrıstik əleýetin tanystyrdy.
Aımaq basshysynyń keńesshisi Marat Iǵalı oblys əkiminiń tapsyrmasymen Býrabaı jəne Zerendi aýmaǵyna týrısterdi kóptep tartý baǵytyndaǵy jumystardy shıratý qolǵa alynǵanyn atap ótti.
«Aqmola oblysy bul týrıstik kórmege birinshi ret qatysyp otyr. Kórmeniń alǵashqy kúni Aqmola oblysynyń «Visit Akmola» týrıstik ortalyǵy men Portýgalııanyń týrızmdi damytý uıymymen təjirıbe almasý, mamandardy oqytý boıynsha ekijaqty kelisimge keldik. Sonymen qatar, ıÝNVTO dúnıejúzilik týrıstik uıymynyń bas hatshysy Zýrab Pololıashvılımen kezdesý uıymdastyryldy...", dep jazdy Marat Iǵalı Feısbýktegi paraqshasyna.