Ispanııada pandemııaǵa baılanysty engizilgen tótenshe jaǵdaı rejımi alyndy

MADRID. QazAqparat – Ispan bıligi koronavırýstyń taralýyna baılanysty engizilgen tótenshe jaǵdaı rejımin toqtatty. Endi kez kelgen jerde maskasyz júrýge bolady, dep habarlaıdy QazAqparat Euronews-ke silteme jasap.

Ispanııa úkimeti COVID-19 pandemııasyna baılanysty engizilgen densaýlyq saqtaý salasyndaǵy tótenshe jaǵdaıdyń aıaqtalǵanyn resmı málimdedi.

Bılik ókilderi azamattar endi medıtsına ortalyqtary men dárihanalarda maska taqpasa bolatynyn aıtty, biraq respıratorlyq aýrý belgileri bar adamdar qoǵamdyq oryndarǵa barǵanda jáne medıtsına qyzmetkerlerine maskadan bas tartpaýdy usyndy.

Keıingi eki jylda Ispanııa kovıdke baılanysty shekteýlerdi birtindep jeńildetip otyrdy.

Pandemııa kezinde elde 14 mıllıon koronavırýs juqtyrý oqıǵasy tirkeldi. COVID-19-dan 122 myń adam qaıtys boldy.