Ispanııada orman órtinen 1500 adam evakýatsııalandy

VALENSIıA. QazAqparat - Aragon jáne Valensııa ıspandyq avtonomdy qaýymdastyqtaryndaǵy birneshe qaladan 1500-ge jýyq adam iri orman órti aıasynda úılerin tastap ketýge májbúr boldy. Bul týraly QazAqparat DW-ge silteme jasap habarlaıdy.

Senbi, 25 naýryzdaǵy jaǵdaı boıynsha órt sóndirýge 700-ge jýyq órt sóndirýshi qatysty. Jergilikti tótenshe jaǵdaı qyzmetiniń málimeti boıynsha, jalyn 23 naýryzdan bastap shamamen 4m000 gektardy qamtydy, bul shamamen 5 500 fýtbol alańyna sáıkes keledi.

Órt oshaǵy Valensııanyń ákimshilik ortalyǵynan shamamen 90 shaqyrym qashyqtyqta ornalasqan.

«Órt sóndirýge 20 avıatsııa tehnıkasyn tartqanymyzǵa qaramastan, áli turaqtandyra almadyq jáne órttiń jaıylýyna kún raıynyń qolaısyzdyǵy yqpal etip otyr», - dedi avtonomdy qoǵamdastyq basshysy Hoakın Pýıg.

Órttiń shyǵý sebebi belgisiz.