Ispanııada orman órtin sóndirý jumystary júrgizilip jatyr

BRıÝSSELЬ. QazAqparat – Ispanııada qatty jel men jekelegen aımaqtardaǵy erekshelikterge baılanysty orman órtterin sóndirý qıynǵa soǵyp tur, dep habarlaıdy QazAqparat RTVE telearnasyna silteme jasap.

Ispanııanyń RTVE qoǵamdyq telearnasy Alıkante provıntsııasynyń (eldiń shyǵysy) Val-de-Ebo mýnıtsıpalıtetindegi órt 9,5 myń gektar jerdegi ormandy joıǵanyn habarlady. 2 myń adam kóship ketýge májbúr bolǵan. Qutqarýshylardyń aıtýynsha, bul – janý oshaqtaryna barý qıyndyq týdyratyn, betkeıleri bar jer. Bılik órtti sóndirýge shamamen 25 tikushaq pen birneshe júz áskerı jumyldyrdy.

Ótken túnde áskerı tótenshe jaǵdaı jasaǵy Saragosa provıntsııasynda jáne Les-Ýseres mýnıtsıpalıtetine jaqyn jerde órttiń taralýyn toqtatty.

Orman órtteri jónindegi eýropalyq aqparat júıesiniń málimetteri boıynsha, bıyl Ispanııada ystyq aýa raıy men qurǵaqshylyq saldarynan 390 orman órti bolǵan, olar jalpy 265,467 gektar jerdi sharpydy.

Foto: rtve.es