Ispanııada «Nelson» daýylynan tórt adam kóz jumdy
09:34, 30 Naýryz 2024
<p>ASTANA. KAZINFORM — Ispanııanyń kóp bóligin sharpyǵan «Nelson» daýyly kem degende tórt adamnyń ómirin qıdy. Bir serfıngshi tikushaqtyń kómegimen sýdan shyǵaryldy, dep habarlaıdy <a href="https://ru.euronews.com/2024/03/29/ru-spain-storm-nelson-victims" target="_blank" rel="noopener">Euronews.</a></p>
Bir kún buryn Katalonııanyń ońtústigindegi Tarragonda eki adam sýǵa batyp ketti — 16 jasar bozbala men ony qutqaram dep sýǵa sekirgen germanııalyq 32 jastaǵy týrıst.
Eldiń soltústigi Astýrııada teńiz tolqyndarynyń bıiktigi 8 metrge jetken, eki adam kóz jumǵany habarlandy.
Juma kúni Kantabrııada shuǵyl tikushaq serfıngshini qutqardy.
Qutqarýshylar kóp adamdar demalys kezinde umytyp ketetin qarapaıym saqtyq sharalaryn eske salady.
Kóp aýdandarda qatty jel soǵyp, aǵashtar qulaǵan, jol kórinbeıdi. Saldarynan demalys kúnderiniń sońyna deıin qyzǵylt sary eskertý saqtalady.
Pasha aptalyǵynyń qorytyndy sharasy sanalatyn 6 túngi protsessııa 2011 jyldan beri alǵash ret aýa raıynyń qolaısyzdyǵyna baılanysty ótpeıtin boldy.