Ispanııada Qazaqstan Táýelsizdiginiń 30 jyldyǵyna oraı poshta markasy shyǵaryldy
10:36, 19 Aqpan 2021
MADRID. QazAqparat - Qazaqstan Táýelsizdiginiń 30 jyldyǵyna oraı Ispanııada poshta markasy shyǵaryldy, dep habarlaıdy QazAqparat QR SІM saıtyna silteme jasap.
«Joba Qazaqstan Elshiliginiń bastamasymen elimizdiń tarıhyndaǵy eleýli oqıǵasyna oraı júzege asyryldy. Markada Qazaqstan Respýblıkasynyń Táýelsizdigi 30 jyldyǵynyń logotıpi beınelengen jáne ıspan tilinde árbir qazaqstandyqtyń júregine ystyq jazylǵan.
Hat almasýdyń kúndelikti nyshany bolyp tabylatyn poshta markasy ıspanııalyqtarǵa Qazaqstan Táýelsizdiginiń mereıtoıyn eske salady», delingen habarlamada.
Keıinirek markanyń arnaıy óshirý rásimin ótkizý jáne ony Ispanııa fılatelıst uıymdarǵa jiberý josparlanyp otyr.
Eske sala ketsek, Qazaqstannyń Shveıtsarııadaǵy Elshiliginiń bastamashylyǵymen sol elde osyndaı mereıtoılyq poshta markasy shyǵaryldy.