Ispanııada eki poıyz soqtyǵysyp, 85 adam zardap shekti

NUR-SULTAN. QazAqparat – Ispanııada júk jáne jolaýshylar poıyzy soqtyǵysyp, saldarynan mashınıst mert boldy, 85 adam jaraqat aldy, dep habarlaıdy QazAqparat Independent-ke silteme jasap.

Apat keshki ýaqytta Barselonadan 15 shaqyrymdaı jerde ornalasqan Katalonııada bolǵan. Kalıı tıegen júk poıyzy Ispanııanyń soltústik-shyǵysyndaǵy San-Boı-de-Lobregat stansasyna kirgen kezde relsten shyǵyp ketken. Sodan keıin vokzaldan shyqqan jolaýshylar poıyzynyń aldyńǵy jaǵyna soqtyǵysqan.

Ispanııa bıliginiń habarlaýynsha, tótenshe jaǵdaılar brıgadasy jolaýshylar poıyzynan 100-ge jýyq adamdy evakýatsııalaýǵa kómektesken. Mashınıst kóz jumdy, ekeýi aýyr jaraqat aldy, qalǵandary jeńil jaraqat alǵan.