Ispanııada akýlanyń shabýyly qaýpine baılanysty úsh jaǵajaı jabyldy

<p>ASTANA. KAZINFORM &mdash; Alyp balǵabasty <a href="https://smartpress.by/news/69314/" target="_blank" rel="noopener">akýlalar</a> jaǵaǵa tym jaqyn júzip, demalýshylardyń záre-qutyn qashyrdy. Muny dereý nazarǵa alǵan Ispan bıligi eldegi úsh negizgi jaǵajaıdy jabý týraly sheshim qabyldady.</p>

Theolivepress.es aqparattyq portalynyń málimetinshe, úsh metrlik jyrtqyshtar ózderin agressıvti ustap, jaǵajaıdaǵy adamdarǵa shabýyl jasamaq bolǵan. Balǵabasty akýlalardyń mundaı áreketine ne sebep bolǵany ázirge belgisiz. Ádette jyrtqyshtar jaǵaǵa jaqyndaý bylaı tursyn, adamdarǵa shabýyldamaıdy eken.

Búginde jaǵalaýlarda akýlalardy baqylap, qaýip týraly eskertetin arnaıy qurylǵylar ornatylǵan. Baqylaý dron arqyly da júrgiziledi.

Esterińizge salsaq, buǵan deıin Egıpettegi Hýrgada jaǵalaýynda akýla paıda bolǵanyn jazǵan edik.