Ispanııa men Mavrıtanııa zańsyz kóshi-qonmen kúresý týraly kelisimge qol qoıdy

<p>ASTANA. KAZINFORM &ndash; Ispanııa Mavrıtanııamen Kanar araldaryna zańsyz kóshi-qonmen kúresý boıynsha yntymaqtastyq týraly kelisimge qol qoıdy, dep habarlaıdy <a href="https://ru.euronews.com/2024/08/28/spain-mauritania-migration?utm_source=telegram.messenger&amp;utm_campaign=feeds_bcs_topstories&amp;utm_medium=referral" target="_blank" rel="noopener">Euronews.</a>&nbsp;</p>

Ispanııa premer-mınıstri Pedro Sanchestiń málimdeýinshe, elge mıgranttar qajet. Sondyqtan onymen kúresýdi maqsat etpeıdi, tek bul protsesti baqylaýdyń joldaryn izdeýdi qolǵa alǵaly otyr.

«Kóshi-qon – problema emes, ol belgili bir máselelerdi týdyratyn qajettilik. Biz  gýmanıstik, qaýipsiz jáne tártipti túrde baqylaýǵa múmkindik beretin joldardy izdeýimiz kerek», - dedi Ispanııa premer-mınıstri. 

Birneshe kún buryn Sanches qatty qysymǵa ushyraǵan Kanar araldaryna bardy: qańtardan tamyz aıynyń ortasyna deıin ol jerge 22 myńnan astam adam keldi. Olardyń tórtten bir bóligi – kámelet jasqa tolmaǵandar. Madrıd mıgranttardy qonystandyrý úshin Kanar araldaryna 50 mln eýro bóldi.

Kanar araldary – Batys Afrıkadan kelgen mıgranttar úshin negizgi tranzıttik núktelerdiń biri. Sol úshin Ispanııa úkimetiniń basshysy úsh kúndik saparmen osy aımaqtyń birneshe shtatyn aralady.