Ispanııa: áıel burynǵy kúıeýine 25 jyl úı sharýasyn atqarǵany úshin aqy tóletti

MADRID. QazAqparat - Ispanııa soty er adamdy 25 jyl boıy aqysyz úı sharýalaryn istegeni úshin burynǵy áıeline 200 myń eýro tóleýge mindettedi, dep habarlaıdy QazAqparat euronews.com saıtyna silteme jasap.

Erli-zaıyptylardyń eki qyzy bolǵan, sot sheshiminde áıel barlyq derlik ýaqytyn otbasyn kútýge jáne úı sharýasyna arnaǵany aıtylǵan.

Erli-zaıyptylardyń nekedegi múlikti bólý bylaı sheshildi: árqaısysynyń tapqany tek ózine ǵana tıesili.

Nátıjesinde, nekede bolǵan jyldar ishinde eshteńege qol jetkize almaǵan áıel ajyrasý kezinde de túk ala almaǵan.

Óz jaǵdaıyn túsingen 48 jastaǵy Ivana Moral advokatqa júginedi. Olar Ivana 25 jyl nekede eń tómengi jalaqymen 204 624 eýro ala alatynyn eseptedi. Dál osy somany Malaga soty áıeldi burynǵy kúıeýine tóleýge mindettedi.