Islamtaný akademııasynyń bas hatshysy Qazaqstanǵa Mysyrdan ákelingen qoljazbalardy tapsyrdy
Qoljazbalardy tabystaýdyń saltanatty rásimi elordadaǵy qoljazba jáne sırek kitaptar ulttyq ortalyǵynda ótti.
Sharaǵa Islamtaný akademııasynyń bas hatshysy Ál-Azhar, professor Nazır Mýhammad ál-Nazıra Aııada, QR Egıpet Arab Respýblıkasyndaǵy tótenshe jáne ókiletti elshisi Lama Sharıf Qaırat Haırbekuly, qoljazba ulttyq ortalyǵy dırektorynyń orynbasary Nurlan Erejepov, sondaı-aq ortalyqtyń ǵylymı qyzmetkerleri qatysty.
«Ál-Azhar» ýnıversıteti Qazaqstanǵa 55 myńnan astam qoljazba jınaqtalǵan katalogtyń 28 tomyn syıǵa tartty.
«Bul qazaq halqyna degen qurmettiń belgisi. Óte qundy dúnıe. Katalog kóptegen jyldar boıy ıslam jáne arab órkenıetiniń damýynan habar beredi. Atalǵan qoljazbalardyń mańyzdylyǵy sol medıtsına, astronomııa ǵylym salasyn qamtıdy. Bizdiń esebimiz boıynsha katalogqa 55 myńnan astam qoljazba engizilgen. Eńbekter birneshe aımaqtyń avtorlaryn qamtıdy. Qoljazbalardyń avtorlary ártúrli elderde túrli baǵyttar boıynsha jumys istegen. Meniń oıymsha, bul qoljazbalardyń mańyzdylyǵyn ǵylymı jáne dinı turǵydan túsiný kerek. Qoljazbaǵa qazaq jerinen shyqqan ǵalymdardyń eńbekteri de bar», - dedi professor Nazır Mýhammad Al-Nazıra Aııada saltanatty sharada.
Qoljazbalar jáne sırek kitaptar ulttyq ortalyǵynyń bas sarapshysy Almat Ábsalyqov Mysyrdan kelgen tarıhı qoljazbalar zertteýge jiberiletinin aıtty.
«Egıpet ıslam mádenıetiniń ortalyqtarynyń biri. Onda jınalǵan qoljazbalar tek Egıpet pen arabtarǵa ǵana emes, sonymen birge ıslam mádenıetimen baılanysty barlyq elderge qatysty. Bizge tek dinı ádebıet qana emes, tarıhı, poetıkalyq ádebıet, áleýmettaný da syıǵa tartyldy. Bul óte qundy qoljazbalar. «Ál-Azhar» ýnıversıteti dástúrli teologııadan sabaq beretin eń iri musylman ortalyǵy, - dep atap ótti Almat Ábsalyqov.
Sondaı-aq, ulttyq ortalyq mamany jýyrda bir top otandyq ǵalym Mysyrǵa jumys saparymen baratynyn málim etti.
«Biz qoljazbalardy satyp alýǵa kómek kórsetý týraly yntymaqtastyq kelisim jasamaqpyz. Altyn Orda kezeńinde Tımýr (Tımýrıdter ımperııasy) men Altyn Orda arasynda soǵys bolǵan kezde Altyn Orda jeńiliske ushyrady. Kóptegen altyn saqshylar Mysyr aýmaǵyna qashyp ketti. Ol kezde Egıpette mamlıýkter dep atalatyn qypshaq halqy bılik etken. Olar Mysyrdy basqardy. Ortalyq Azııadan kóptegen ǵalymdar Mysyrǵa kóship kelip, onda túrki tilinde kóptegen kitaptar qaldyrdy. Biz sol eńbekterdi zerttegimiz keledi», - dedi Almat Ábsalyqov.