NUR-SULTAN. QazAqparat - Qazaqstandyq kórkem gımnastıka sheberleri Túrkııanyń Konıa qalasynda ótip jatqan Islam yntymaqtastyǵy oıyndarynda qola júlde aldy, dep habarlaıdy QazAqparat tilshisi.
Jarys barysynda Eljana Tanıeva men Aıbota Ertaıqyzy komandalyq kópsaıysta úzdik úshtikten kórindi.
Dál osyndaı jetistikke kópsaıystan el quramasy toptyq kórsetkishte qol jetkizdi.
Islam yntymaqtastyǵy oıyndary 2005 jyldan beri turaqty ótkizilip keledi. Bıyl besinshi márte jalaýyn jelbiretti.
Bıylǵy dodada 55 elden sportshylar keldi. Oıyndar 8 tamyzda bastaldy. Ol 18 tamyzda máresine jetedi.
Eske salsaq, budan buryn Islamıadada qazaqstandyq aýyr atlet Alekseı Chýrkın kúmis medal aldy.
Sondaı- aq, qazaqstandyq taekvondoshy Baýyrjan Hasenov Islam yntymaqtastyq oıyndarynyń qola júldegeri atandy.
Foto: instagram.com
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.