NUR-SULTAN. QazAqparat - Túrkııanyń Konıa qalasynda ótip jatqan Islam yntymaqtastyǵy oıyndarynda el quramasy qorjynyna taǵy úsh altyn medal tústi, dep habarlaıdy QazAqparat tilshisi.
Búgingi oıyndarda qazaqstandyqtar sporttyń birneshe túrinen óner kórsetti.
Kıkboksıngte 51 kelide synǵa túsken Nursultan Jumabaev jeńis tuǵyryna kóterildi. Ol fınalda ózbekstandyq qarsylasyn qapy qaldyryp ketti.
Sondaı-aq atalǵan jarys túrinen Álıhan Ozdoev (67 keli), Marat Ósipov (71 keli) altynnan alqa taqty.
Al sporttyq gımnastıkadan qyzdar komandalyq esepte úshinshi orynǵa taban tiredi.
Qazaqstandyq sportshylardyń oıyndar barysyndaǵy jetistigin buǵan deıin de jazǵan bolatynbyz.
Islam yntymaqtastyǵy oıyndary 2005 jyldan beri turaqty ótkizilip keledi. Bıyl besinshi márte jalaýyn jelbiretti.
Bıylǵy dodaǵa 55 elden sportshylar keldi. Oıyndar 8 tamyzda bastalǵan, 18 tamyzda aıaqtalady.
Foto: pinterest.com
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.