13:03, 12 Tamyz 2022

Islam yntymaqtastyǵy oıyndarynda Arlı Chonteı chempıon atandy

NUR-SULTAN. QazAqparat - Túrkııanyń Konıa qalasynda ótip jatqan Islam yntymaqtastyǵy oıyndarynda qazaqstandyq aýyr atlet Arlı Chonteı chempıon atandy, dep habarlaıdy QazAqparat tilshisi.

Dúbirli dodada 55 kelige deıingi salmaqta synǵa túsken ol qossaıys nátıjesinde 253 (114 139) kelini baǵyndyrdy.

Atalǵan salmaqta Saýd Arabııasynan kelgen Mansýr Alsalım 252 (115 137) keli kórsetkishpen ekinshi oryn alsa. ındonezııalyq Adı Nýgroho qossaıysta 244 (110 134) keli nátıjemen úzdik úshtikke ilikti.

Islam yntymaqtastyǵy oıyndary 2005 jyldan beri turaqty ótkizilip keledi. Bıyl besinshi márte jalaýyn jelbiretti.

Bıylǵy dodaǵa 55 elden sportshylar keldi. Oıyndar 8 tamyzda bastaldy. Ol 18 tamyzda máresine jetedi.

Qazirge deıin qazaqstandyq sportshylar 16 medalmen (7 altyn, 1 kúmis, 8 qola) jalpykomandalyq esepte úshinshi orynda keledi. Kósh basynda – Túrkııa jáne Iran sportshylary.

Eske salsaq, budan buryn Islam yntymaqtastyǵy oıyndarynda jeńil atlet Mıhaıl Lıvtın altyn medal aldy.

Sondaı-aq Jansel Denız úshinshi orynǵa turaqtady.


Foto: olympic.kz




IYU Sport Halyqaralyq uıymdar
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi. 2015-2020 jyldarda «Aqmeshit aptalyǵy» gazetiniń bas redaktory boldy. Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti. 2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.