NUR-SULTAN. QazAqparat - Túrkııanyń Konıa qalasynda ótip jatqan Islam yntymaqtastyǵy oıyndarynda kıkboksıngten el qorjynyna altyn medal tústi, dep habarlaıdy QazAqparat tilshisi.
Búgin qazaqstandyqtar sporttyq gımnastıka, kıkboksıng, karate-do sportynan synǵa tústi.
Kıkboksıngten 63,5 kelide synǵa túsken Berik Ysqaqov chempıon atandy.
Sondaı-aq 18 tamyzda kıkboksıngten Batyrhan Qýandyqov (63,5 keli), Nurdáýlet Qalshora (57 keli), Shara Hamzına (60 keli) qola júldeger atandy.
Aıta ketsek, atalǵan sport túrinen 17 tamyzda Nursultan Jumabaev (51 keli), Álıhan Ozdoev (67 keli), Marat Ósipov (71 keli) chempıon atanǵan edi.
Islam yntymaqtastyǵy oıyndary 2005 jyldan beri turaqty ótkizilip keledi. Bıyl besinshi márte jalaýyn jelbiretti.
Bıylǵy dodaǵa 55 elden sportshylar keldi. Oıyndar 8 tamyzda bastalǵan edi. Búgin, 18 tamyzda máresine jetedi.
Foto: malim.kz
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.