Islam Memleketi uıymy Irakta áli de qaýipti - AQSh elshisi

<p>ASTANA. KAZINFORM - &laquo;Islam memleketi&raquo; uıymy áli de qaýipti jáne AQSh bastaǵan Irakpen áskerı koalıtsııanyń topty tolyǵymen jeńý jumysy aıaqtalǵan joq. Bul týraly AQSh-tyń Iraktaǵy elshisi Alına Romanovskıı málimdedi, dep habarlady <a href="https://www.reuters.com/world/islamic-state-still-threat-iraq-us-ambassador-says-2024-03-24/" target="_blank" rel="noopener">Reuters.</a></p>

Iraktyń joǵary laýazymdy saıasatkerleri, sonyń ishinde Irak premer-mınıstri Muhammed Shıfa as-Sýdanı  «Islam memleketi» budan bylaı Irakqa qaýip tóndirmeıdi jáne memlekette halyqaralyq koalıtsııanyń bolý sebepteri aıaqtaldy, dep birneshe ret málimdedi. Osy jyldyń basynda M. as-Sýdanı Baǵdad shetel áskeriniń elde bolý ýaqytyn aıaqtaý úshin naqty sharalar qabyldaýǵa nıetti ekenin málimdedi.

Halyqaralyq koalıtsııa - Irak pen Sırııada 2014 jyldan beri «myzǵymas sheshim» áskerı operatsııasy aıasynda jumys istep kele jatqan AQSh-tyń IM-ge qarsy halyqaralyq koalıtsııasy.

«Biz ekeýmiz de DAISh (Islam memleketi) áli de qaýip tóndiretinine senimdimiz, qaýip áldeqaıda azaıǵanymen bizdiń jumysymyz áli de jalǵasyp jatyr jáne biz Irak kúshteriniń DAISh-ti túpkilikti jeńýin qamtamasyz etýdi qalaımyz», - dedi Romanovskıı Baǵdadtaǵy AQSh elshiliginde.

AQSh elshisiniń málimdemesi IM-niń aýǵandyq bólimshesi juma kúni Máskeý túbinde 137 adamnyń ómirin qıǵan shabýyldy óz moınyna alǵan soń jasaldy.

Bir apta buryn Aýǵanstanda «IGIL-K» jankeshtisiniń jarylysynan keminde úsh adam qaza tapty, al qańtarda bul uıym Irandaǵy jarylysty óz moınyna aldy.