Islam Lıgasynyń Bas hatshysy Qazaqstannyń beıbitshilikti nyǵaıtý jumystaryna joǵary baǵa berdi
«Dúnıejúzilik ıslam lıgasy men onyń keńesteri, akademııalary men álemdik qurylymdary atynan Álemdik jáne dástúrli dinder kóshbasshylarynyń osy tarıhı forýmyna qatysý, eń aldymen, Qazaqstan Prezıdenti Qasym-Jomart Toqaevtyń basshylyǵymen álemde jáne ulttyq qaýymdastyqtarda dinı dıplomatııa sııaqty mańyzdy jáne tıimdi mehanızm arqyly beıbitshilikti nyǵaıtý úshin jasap jatqan zor kúsh-jigerine joǵary baǵa berý men úshin úlken qurmet», - dedi Islam lıgasynyń bas hatshysy forýmǵa joldaǵan beıneúndeýinde.
Óz sózinde spıker dıplomatııanyń ortaq dinı jáne adamı maqsattardy kózdeıtinin atap ótti.
«Adamzat tarıhyndaǵy qaqtyǵystar men soǵystardyń kópshiligi dinderge qatysty ıdeıalar nátıjesinde paıda bolǵanyn bárimiz bilemiz. Bul dinder is júzinde olardyń avtorlarynyń umtylystaryn ǵana bildirdi. Adamzat tarıhynda osy kúnge deıin teris, keıde qaýipti saldar týyndaıtyn ıdeıalar men pikirlerde qatelikter bar ekenin bárimiz bilemiz. Munyń báriniń basty sebebi – bir-birinen alshaqtaý, bul alshaqtaý ózara qorqynysh pen mazasyzdyqty týdyrady jáne qurdymǵa ákep soǵady», - dedi Muhammed bın Ábdýl Kárim ál-Isa.
Aıta keteıik, búgin elordada Álemdik jáne dástúrli dinder lıderleriniń VII sezi ótip jatyr. Eki kúnge sozylatyn sezge 50 elden 100-den astam delegatsııa, onyń ishinde ıslam, hrıstıan, býddızm, ıýdaızm, ındýızm, daosızm, zoroastrızm, sıntoızm dinderiniń ókilderi, sondaı-aq saıası jáne qoǵam qaıratkerleri, halyqaralyq uıymdar músheleri kelgen.
Dinı forýmǵa Rım Papasy Frantsısk, Ál-Azhardyń Joǵarǵy ımamy Ahmed Mohammed Ahmed at-Taıeb, Ierýsalım Patrıarhy III Teofıl, Ashkenazdyń bas ravvıni Davıd Laý, Izraıldiń Bas sefard ravvıni Itshak Iosıftiń jáne basqa da dinı jetekshiler, sondaı-aq birqatar halyqaralyq uıymnyń ókilderi qatysady.