ASTANA. KAZINFORM — Saýd Arabııasynyń Er-Rııad qalasynda ótetin VI Islam yntymaqtastyǵy oıyndaryna qatysatyn WKF karateden Qazaqstan quramasy anyqtaldy.
Qazaqstan karate federatsııasynyń baspasóz qyzmetinen málim etkenindeı, 68 keliden joǵary salmaqta el namysyn Tokıo Olımpıadasynyń qola júldegeri Sofıa Berýltseva qorǵaıdy.
Bapkerlik quram sondaı-aq Daııana Darenskaıa (-68 kg), Nıkıta Tarnakın (-84 kg) jáne Jolaman Bıǵabylǵa (-60 kg) senim artyp otyr.
Ulttyq quramanyń bas bapkeri – Tokıo Olımpıadasynyń qola júldegeri Darhan Asadilov. Aǵa jattyqtyrýshylar – Rınat Saǵyndyqov pen Rınat Merǵalıev.
– Ulttyq quramanyń tiziminde ózgerister bolýy múmkin, - dep habarlady vedomstvodan.
Eske sala keteıik, budan buryn karateshi Sofıa Berýltsevanyń Máskeý týrnıriniń úsh dúrkin chempıony atanǵanyn jazǵan edik.
Sondaı-aq qazaqstandyq balýandardyń Er-Rııadtaǵy Islam yntymaqtastyǵy oıyndarynda baq synaıtyny habarlandy.
Atalǵan jarys 7 qarashada bastalady.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).