Islam eýropalyqtar úshin qonaq emes, otbasynyń bir múshesi bolýy kerek - IYU Bas hatshysy

ASTANA. 25 maýsym. QazAqparat - Islam Yntymaqtastyq Uıymynyń Bas hatshysy Ekmeleddın Ihsanoǵlý ıslamofobııamen shyndap kúresýge, sondaı-aq Islam dini men Eýropanyń arasyndaǵy qarym-qatynasty kúsheıtýge jáne ózara baılanystaǵy artyq emotsııalardan qashýǵa shaqyrdy. Bul týraly muslim.kz saıty jazady.

Bas hatshy ıslam dinin tómensitý, kemsitý arqyly saıasat jasamaýdy eskertti. «Eger ıslam saıası mazmun alatyn bolsa, onda budan eki ushy bar taıaq shyǵady. Al onyń nátıjesin biz Norvegııadaǵy, Frantsııadaǵy jáne Eýropanyń ózge de elderindegi jaǵdaılardan kórdik», - dedi ol. Ekmeleddın Ihsanoǵlý, sondaı-aq, tıisti jerde qoldanbaı kele jatqan «jıhad» túsinigine de qarsy sóıledi.

«Bul uǵymdy ózderiniń múddesi úshin qoldanyp júrgen terrorıster de bar. Qalaısha olar ıslamnyń atymen ózderiniń múddesi úshin jıhadqa shaqyrady? Beıbit halyqqa dinnen ári tarıhtan argýmentter keltirip, jıhadtyń shynaıy mán-maǵynasyn, jıhad adamzatqa lańkestik jasaý emes ekenin, jalpy ondaı lańkesterdiń jıhad jarııalaýǵa quqyǵy joq ekenin túsindirýimiz kerek», - dedi ol.

«Islam eýropalyqtar úshin qonaq emes, otbasynyń bir múshesi bolýy kerek» dep esepteıdi Bas hatshy.