Islam elderiniń 2023 jylǵa rýhanı týrızm ortalyǵy tańdaldy

ANKARA. QazAqparat – Túrkııanyń Shanlyýrfa qalasy ıslam elderiniń 2023 jylǵy týrıstik ortalyǵy ataldy. Bul týraly Ázerbaıjanda ótken Islam yntymaqtastyǵy uıymyna (IYU) qatysýshy elderdiń týrızm mınıstrleriniń 11-inshi konferentsııasynda belgili boldy, dep habarlaıdy QazAqparat menshikti tilshisi.

Túrkııa Mádenıet jáne týrızm mınıstrliginiń málimetinshe, Bakýde IYU memleketteri týrızm mınıstrleriniń kezekti kezdesýi ótip, onda Shanlyýrfa qalasy ortaq sheshimmen 2023 jylǵa rýhanı-týrıstik saıahat ortalyǵy retinde tańdaldy.

Shanlyýrfa Sırııamen shekarada ornalasqan Túrkııanyń úlken qalalarynyń biri. Onyń tarıhy evreı, hrıstıan jáne ıslam dinderimen etene baılanysty. Sol sebepti ony «bes paıǵambar qalasy» dep atap ketken. Degenmen, búgingi kúni megapolıs tutastaı ıslam dinine kóshken. Jyl saıyn munda álemniń túkpir-túkpirinen zııarat etýshi musylmandar jınalady. Shanlyýrfada túrik, kúrd jáne arab halqy aralas turady.

Aıta keteıik, IYU aıasynda 2024 jylǵy rýhanı-týrıstik ortalyq retinde Ózbekstannyń Hıýa qalasy tańdaldy.