Islam elderi azyq-túlik qaýipsizdigi máselesin talqylaıdy
Bul týraly QR Syrtqy ister mınıstrliginiń resmı ókili Aıbek Smadııarov málimdedi.
«Qazaqstandyq delegatsııany Aýyl sharýashylyǵy mınıstri Saparhan Omarov basqarady. Musylman elderiniń aýylsharýashylyq mınıstrleri azyq-túlik qaýipsizdigi máselelerin talqylaıdy. Olar tájirıbe almasý arqyly azyq-túlik qaýipsizdigin nyǵaıtý men damytý úshin naqty sharalar qabyldaıdy», - dedi Aıbek Smadııarov QR SІM ǵımaratynda ótken brıfıngte.
Bul sessııa Azyq-túlik qaýipsizdigi jónindegi Islam uıymy Bas assambleıasynyń tolyqqandy ınstıtýtsıonaldy qalyptasýynda mańyzdy qadam bolmaq.
«Bas Assambleıanyń Tóraǵasy men Tóraǵasynyń orynbasary, sondaı-aq teń quqyly aýmaqtyq ókildik qaǵıdattary negizinde osy uıymnyń Bas dırektory jáne Atqarýshy keńestiń músheleri saılanady», - dedi mınıstrlik ókili.
Azyq-túlik qaýipsizdigi jónindegi Islam uıymy 2011 jyly QR Tuńǵysh Prezıdenti - Elbasy Nursultan Nazarbaevtyń bastamasymen IYU múshe elderdiń azyq-túlik qaýipsizdigin qamtamasyz etý máselelerin sheshý úshin quryldy. Qazirgi ýaqytta 33 musylman memleketi AQYU múshesi bolyp tabylady. Shtab-páteri Nur-Sultan qalasynda ornalasqan.