Islam damý banki qarjysyna elimizde 9 jańa sý qoımasy salynady

<p>ASTANA. KAZINFORM &ndash; Búgin Bakýde ótip jatqan Dúnıejúzilik klımat sammıti aıasynda Memleket basshysy Qasym-Jomart Toqaevtyń qatysýymen Qazaqstan Úkimeti men Islam damý banki arasynda Qazaqstandaǵy sý resýrstaryn damytý jobasyn iske asyrý úshin uzaqmerzimdi qarjylandyrý týraly kelisimge qol qoıyldy. Osyǵan oraı Premer-Mınıstrdiń orynbasary &ndash;Ulttyq ekonomıka mınıstri Nurlan Baıbazarov mańyzdy qujattyń jaı-japsary týraly aıtty.</p>

«Qazaqstan Úkimeti men Islam damý banki arasynda Memleket basshysynyń qatysýymen Qazaqstanda sý resýrstaryn damytý jobasyn iske asyrý úshin uzaqmerzimdi qarjylandyrý shartyna qol qoıyldy. Osy shartqa sáıkes, Islam damý banki Qazaqstanǵa 1 mlrd 153 mln dollary kóleminde uzaqmerzimdi qarjy bólip otyr. Qol qoıý rásimine qatysqan IDB prezıdenti ál-Djasser myrzanyń aıtýynsha, bul joba Islam damý banki tarıhynda qarjylandyrylatyn eń iri joba sanalady. Osy jobany iske asyrýdyń arqasynda elimizde 9 jańa sý qoımasy salynady nemese qaıtadan jańǵyrtylady. Sonymen qatar 3,5 myń shaqyrym arna jelisi qaıta salynady. Osynyń arqasynda aýyl sharýashylyǵy úshin paıdalanylatyn sýarmaly jerdiń kólemin 330 myń gektarǵa ulǵaıtamyz. Jobanyń iske asyrylýy elimizdiń jalpy sý sharýashylyǵy ınfraqurylymyn qaıta jańartyp, qalpyna keltirýge múmkindik beredi. Sonymen qatar ekonomıkanyń damýyna oń áserin tıgizedi», - dedi Nurlan Baıbazarov.

Onyń atap ótýinshe, IDB talabyna sáıkes, atalǵan jobany iske asyrý úshin halyqaralyq tájirıbesi bar gıdrotehnıka salasyndaǵy eń úzdik kompanııalar elimizge tartylady.

Eske salsaq, Memleket basshysy Islam damý bankiniń prezıdenti Muhammed Sýleıman ál-Djasserdi qabyldady.