Ysqyryq, qolsham, dári-dármek: Jer silkingende ala shyǵatyn «dabyl shabadanyna» ne salý kerek

<p>ALMATY. KAZINFORM — Almaty qalalyq tótenshe jaǵdaılar departamentiniń azamattyq qorǵanys basqarmasynyń bastyǵy Ánýar ıÝsýpov jer silkinisine qalaı daıyndalyp, «dabyl sómkesine» qandaı zattar salý kerek ekenin aıtty.</p>

Spıker «dabyl shabadanyn» úıde qarapaıym rıýkzakqa, sómkege nemese shabadanǵa salyp jınaýǵa bolatynyn atap ótti.

«Birinshiden, alǵashqy kómek kórsetetin qajetti dári-dármek salynǵan medıtsınalyq járdem qobdıshasy, jyly kıim-keshek, fonar, konservi men batyrmaly telefon bolýy kerek. Onyń qýaty bar bolsa bir apta nemese tipti 10 kúnge deıin jetedi. Sondaı-aq mindetti túrde ysqyryq bolýy shart. Túrkııadaǵy jer silkinisiniń tájirıbesine súıensek, bir mınýttyq únsizdik jarııalanǵan kezde adamnyń qaı jerde ekenin ysqyryq arqyly anyqtap, taýyp otyrdy. Bul árbir almatylyqtyń dabyl sómkesinde bolýy qajet», — dedi Ánýar ıÝsýpov.

Dabyl sómkesi — tótenshe jaǵdaı kezinde qajetti zattar salynatyn jıyntyq.

Eń aldymen ne alyp shyǵý kerek: aqsha, qujattar, alǵashqy kómek jınaǵy, sý, konservilengen tamaq, joǵary kalorııaly taǵam, jeke gıgıena quraldary, jyly kıimder, jyly kórpe, radıoqabyldaǵysh, batareıamen jumys isteıtin fonar, sirińkeler, ysqyrǵysh.