Іskerlik belsendilikti qalaı qalpyna keltirý kerek: Mınıstr usynys jasady

NUR-SULTAN. QazAqparat – QR Ulttyq ekonomıka mınıstri Rýslan Dálenov iskerlik belsendilikti qalpyna keltirý boıynsha ortalyq jáne jergilikti atqarýshy organdarǵa birqatar usynym berdi, dep habarlaıdy QazAqparat tilshisi.

«Qurmetti Asqar Uzaqbaıuly! Іskerlik belsendilikti qalpyna keltirý boıynsha qabyldanyp jatqan sharalardy eskere otyryp, ortalyq jáne jergilikti atqarýshy organdar kelesi aspektilerge nazar aýdarýy qajet. Eń aldymen – óńirlik turaqtandyrý qorlaryn paıdalaný arqyly áleýmettik mańyzy bar azyq-túlik taýarlary baǵasynyń maýsymdyq ósýine jol bermeý. Ekinshi – óńdeý ónerkásibi men qurylysta qol jetkizilgen ósý qarqynyn tómendetpeý. Úshinshi – jergilikti atqarýshy organdardyń ınvestıtsııalyq jobalar pýlyn sapaly iske asyrý», - dedi Rýslan Dálenov Úkimet otyrysynda.

Sonymen birge, mınıstr daǵdarysqa qarsy sharalar boıynsha qarajattyń tıimdi ıgerilýin jáne jyl qorytyndysy boıynsha ósýdiń nysanaly ındıkatorlaryna qol jetkizýdi qamtamasyz etýdi usyndy.

«Jumyspen qamtýdyń jol kartasy sheńberinde turaqty jumys oryndarynyń úlesin ulǵaıtý kerek. Qarjy jylyn tolyqqandy aıaqtap, ekonomıkaǵa qarajatty jyldam engizý úshin kelesi jylǵa arnalǵan rásimderdi daıyndaý qajet», - dedi R. Dálenov.