Іskerlik belsendilik ındeksi ósti - Ulttyq bank

ALMATY. QazAqparat – Ulttyq banktiń aqsha-kredıt saıasaty departamentiniń dırektory Jandos Shaımardanov qazan aıyndaǵy iskerlik belsendilik ındeksi týraly aıtyp berdi, dep habarlaıdy QazAqparat.

Іskerlik belsendilik ındeksi qazan aıynda birshama ósip, 48,8-ge deıin taǵy 1,2 tarmaqqa jaqsara tústi.

«Іskerlik belsendiliktiń eń kóp ósýi ónerkásip salasynda baıqaldy.Munda ındeks qyrkúıektegi 47,8-den 49,6-ǵa deıin ósti. Qyzmet kórsetý salasynda ındeks 48,6-ǵa deıin 1,3 tarmaqqa kóterildi. Qurylysta kórsetkish jańa tapsyrystar sanynyń tómendeýine baılanysty 47,6-ǵa deıin – 1,5 tarmaqqa tómendedi. Ótken aıda óńirler arasynda Almaty, Pavlodar jáne Mańǵystaý oblystarynda iskerlik belsendilik ındeksiniń aıtarlyqtaı jaqsarǵany baıqaldy. Ózgelerge qaraǵanda Shymkentte ındeks edáýir tómendedi»,– deıdi Jandos Shaımardanov.

Qazanda bıznes ahýalynyń ındeksi qyrkúıektegi oń aımaqqa ótkennen keıin qaıtadan quldyrap, 0,0 boldy (osy jylǵy qyrkúıeqte – (2,0). Respondentter bıylǵy qarashada bolashaq bıznes ahýaldyń qazandaǵy 4,5-ten 2,3 deıin nasharlaı túsetinin boljap otyr.

«Іskerlik belsendilik ındeksi kásiporyndardyń qazirgi kórsetkishteri men olardyń bolashaqtaǵy ózgeristeri boıynsha negizdelip, sol jaıyndaǵy pikirlerge saı qalyptasady. Qazanda saýalanamaǵa 451 kásiporyn qatysty: qyzmet kórsetý salasynda – 217, ónerkásip salasynda – 170, qurylys salasynda – 64»,– dep qortyndylady Ulttyq bank ókili.