Isıbanyń korteji polıtsııa kóligimen soqtyǵysty

<p>TOKIO. KAZINFORM &ndash; Japonııa premer-mınıstri Sıgerý Isıbanyń kóligi onyń kortejin kúzetip turǵan polıtsııa kóligimen soqtyǵysty. Bul týraly <a href="https://nordot.app/1235771445036663715?c=39550187727945729" target="_blank" rel="noopener">Kyodo</a> agenttigi habarlady.</p>

Jol-kólik oqıǵasy saldarynan premer-mınıstr men onyń kómekshileri zardap shekken joq.

Oqıǵa Tottorıde premer-mınıstr Tokıoǵa qaıtý úshin áýejaıǵa bet alǵan kezde oryn aldy.

Polıtsııa kóligi baǵdarshamnyń qyzyl túsine toqtaǵan sátte ony premer-mınıstrdiń kóligi qaǵyp ketken. Kortej odan ári qozǵalmas buryn oqıǵa ornynda birneshe mınýt turdy.

Tottorıde premer-mınıstr bıleýshi Lıberaldyq-demokratııalyq partııanyń belsendilerimen jáne jergilikti turǵyndarmen kezdesý ótkizdi. Solardyń ishinde Isıba otbasy turatyn úıge qonaqqa bardy. Ol Tokıoda týǵanymen, balalyq jáne jastyq shaǵy Tottorıde ótken. Ata-anasynyń jerlengen jerine de bardy. Ata-anasynyń beıitterin aralap, týǵan jerine toqtaǵan premer-mınıstr Tokıoǵa oralý úshin Tottorı áýejaıyna bet alǵan bolatyn.

Buǵan deıin Germanııada iri jol apatynan 26 adam zardap shekkeni belgili boldy.