Іshki týrızmniń jaqsarǵany baıqalyp otyr – Dáýren Abaev
«Memleket basshysy Mınıstrlikke týrızm salasyn el ekonomıkasyn damytatyn draıverge aınaldyrýdy júktedi. Bizde buǵan qajetti rekreatsııalyq, ekologııalyq, ınvestıtsııalyq jáne adamı sııaqty resýrstardyń bári bar. Epıdemıologııalyq jaǵdaı men shekaradaǵy karantındik shekteý sharalarynyń sebebinen kelý týrızmi boıynsha kórsetkishterdiń aıtarlyqtaı tómendegeni belgili. Degenmen, karantındik talaptar jeńildegennen keıin birqatar kórsetkishterdiń, onyń ishinde ishki týrızmniń de jaqsarǵany baıqalyp otyr. 2021 jylǵy 9 aıdyń qorytyndysy boıynsha ishki týrıster sany 5,2 mln adamdy qurady. Bul 2019 jylǵy karantınge deıingi kórsetkishpen salystyrǵanda 100 myń adamǵa artyq», - dedi D. Abaev.
Onyń aıtýynsha, ótken jyl ulttyq parkterge týrısterdiń eń kóp kelgen jyly boldy. Atap aıtqanda, týrıster sany 2019 jylmen salystyrǵanda 300 myńǵa kóbeıip, 1,5 mln adamdy quraǵan. Ásirese, Almaty taý klasteriniń ulttyq parkterine kelýshilerdiń eselep artqanyn aıtý kerek: Іle Alataýy (212 myńnan 430 myńǵa deıin), Kólsaı (83 myńnan 160 myńǵa deıin) jáne Sharyn.
«Bul ulttyq parkterge óz jobalaryn tabıǵatqa zııan keltirmeı júzege asyratyn ınvestorlardy tartý isiniń tıimdiligin taǵy bir márte dáleldeıdi. Sondaı-aq ornalastyrý oryndary kórsetetin qyzmet kólemi de ósýde. Mysaly, ótken jylǵy 9 aıdyń qorytyndysy 2020 jyldyń sáıkes kezeńimen salystyrǵanda 66%-ǵa óskeni baıqalady. Ornalastyrý oryndary 182 birlikke, al olardyń birjolǵy syıymdylyǵy 9 myńnan astamǵa kóbeıdi. ıAǵnı birjolǵy tártipte 200 myńǵa jýyq adamdy qabyldaı alamyz», - dedi mınıstr.