Іshki týrızm: Qansha eldi mekenge ushaqtar qatynaı bastaıdy
«Elimizde ishki týrızmdi yntalandyrý úshin shaǵyn avıatsııany damytý boıynsha sharalar qabyldanyp jatyr. Máselen, búgingi kúni jergilikti áýe jelisinde 3 áýeaılaq qyzmet kórsetedi. Olar: Úsharal, Úrjar jáne Zaısan. Baıanaýyl avıaaılaǵy paıdalanýǵa berý kezeńinde tur. Jaqyn 5 jyldyqta taǵy 13 áýe aılaǵynyń qurylysy kózdelýde», - dedi Indýstrııa jáne ınfraqurylymdyq damý mınıstri Beıbit Atamqulov búgingi Úkimet otyrysynda.
Mınıstrdiń aıtýynsha, bıyl lızıng negizinde osy áýe aılaqtarynan ushyrylatyn 2 L-410 áýe kemesi (19 kreslo) alynǵan. Sonymen birge, 2025 jylǵa deıin osyǵan uqsas sanattaǵy 20 áýe kemesin engizý josparlanǵan.
Eske sala ketsek, Úkimet basshysy Asqar Mamın jaýapty vedomstvolarǵa óńirlerde shaǵyn avıatsııa men aerodromdardy damytýǵa arnalǵan baǵdarlama ázirleýdi júktegen bolatyn.