Іshki týrızm boıynsha rekordtyq kórsetkish ornatyldy - Kazakh Tourism

NUR-SULTAN. QazAqparat – Koronavırýs pandemııasy saldarynan otandyq týrızm mıllıardtaǵan shyǵynǵa batty. Bul týraly Kazakh Tourism AQ ulttyq kompanııasynyń basqarma tóraǵasy Talǵat Amanbaev málim etti, dep habarlaıdy QazAqparat tilshisi.

«Týrızm - pandemııadan eń kóp zardap shekken salanyń biri. Osy oraıda otandyq týrızmde mıllıardtaǵan shyǵynǵa ushyrady. Alaıda shekaralardyń jabylýynan ishki týrızmge degen suranystyń artqany baıqaldy. 2021 jyly Qazaqstanda ishki týrıster sany boıynsha rekord jańardy. ıAǵnı byltyr ishki týrısterdiń sany artyp, 6,9 mıllıon adamǵa jetti. Bul - pandemııaǵa deıingi (2020 jyl) deńgeıden 5 paıyzǵa jáne 2019 jylǵy kórsetkishten 35 paıyzǵa joǵary», - dedi Talǵat Amanbaev.

«Kazakh Tourism» basshysynyń aıtýynsha, ishki týrızmge suranystyń artýyna baılanysty qonaq úıler men demalys oryndary qyzmeti 90%-ǵa artqan.

«Statıstıkaǵa súıensek demalys oryndary men qonaq úıler sanynyń ósýi baıqalady. 2020 jyly olardyń sany 3 514-ke jetti. Sondaı-aq, ótken jyly elimzde 172 jańa demalys orny paıda boldy. Sáıkesinshe týrıster demalatyn bólme qory ulǵaıyp, 193 030 tósek-oryndy qurady. Bul ótken jylmen salystyrǵanda 9 417 tósek-orynǵa artyq», - deıdi ol.

Buǵan deıin habarlaǵanymyzdaı, endi qurylyp jatqan Abaı, Ulytaý jáne Jetisý oblystarynda jańa týrıstik baǵyttar ashylady.