Іshki naryqtyń azyq-túlik taýarlarymen qamtamasyz etilýi baqylaýda - QR AShM
Buǵan deıin habarlanǵandaı, azyq-túlik qaýipsizdigi, sondaı-aq respýblıkanyń aýyl sharýashylyǵy qurylymdarynyń úzdiksiz jumysy máselesi turaqty baqylaýda.
Bul týraly QazAqparat QR Aýyl shaýrashylyǵy mınıstrliginiń baspasóz qyzmetine silteme jasap habarlaıdy.
Jedel derekter boıynsha respýblıka boıynsha barlyǵy 1,5 mln tonna áleýmettik mańyzy bar azyq-túlik taýarlarynyń qory bar. Onyń ishinde un – 145,1 myń tonna, qant – 47,6 myń tonna, kúrish – 40,2 myń tonna, makaron – 21,3 myń tonna jáne 1 mln tonna kókónis ónimderi jáne t. b.
Azyq-túlik ónimderin óndirý toqtatylmaıdy, qorlar júıeli negizde tolyqtyrylady. Jarma, un, konserviler jáne basqa da taýarlar óndirisi úshin jetkilikti shıkizat, sondaı-aq et jáne sút ónimderin óndirý úshin jetkilikti mal basy bar.
Kóptegen jyldar boıy Qazaqstan astyq pen undy álemdik naryqqa shyǵarý jáne jetkizý boıynsha jetekshi orynǵa ıe bolyp keledi.
QR Ulttyq statıstıka bıýrosynyń resmı derekterine sáıkes, 2022 jylǵy 1 aqpandaǵy jaǵdaı boıynsha respýblıka boıynsha dándi jáne dándi-burshaqty daqyldardyń qory 10 mln tonnany quraıdy.
Respýblıka boıynsha barlyǵy 8,1 mln tonna bıdaı bar (onyń ishinde 6,7 mln tonna azyq-túlik jáne 0,3 mln tonna jemshóp), 1,2 mln tonna arpa, dándik júgeri - 157 myń tonna, qara bıdaı - 26 myń tonna.
Osylaısha, respýblıka ishki naryqtyń astyqqa qajettiligin óz óndirisi esebinen tolyq kólemde qamtamasyz etýge qabiletti.
Jergilikti atqarýshy organdardyń derekteri boıynsha 2022 jylǵy 4 naýryzdaǵy jaǵdaı boıynsha 47,6 myń tonna qant bar (turaqtandyrý qorlarynda – 3,7 myń tonna, saýda obektilerinde – 26,7 myń tonna, kásiporyndarda – 11,2 myń tonna, qoımalarda 5,8 myń tonna).
Sonymen qatar, Eýrazııalyq ekonomıkalyq komıssııa Keńesiniń 2021 jylǵy 2 jeltoqsandaǵy № 140 sheshimimen Qazaqstan Respýblıkasyna 2022 jyldyń 31 tamyzyna deıingi merzimge tarıftik jeńildikterdi qoldaný arqyly 250 myń tonna kóleminde aq qant pen qant shıkizatyn ákelý quqyǵy berildi.
Qazirgi ýaqytta EEK Keńesiniń sheshimin iske asyrý úshin Qazaqstan Respýblıkasy Aýyl sharýashylyǵy mınıstriniń buıryǵymen aq qant pen quraq shıkizaty qantyn ákelýge kvotalardy bólý qaǵıdalary men tártibi bekitildi.
Sonymen qatar, Aýyl sharýashylyǵy mınıstrligi AÓK damytýdyń 2021-2025 jyldarǵa arnalǵan ulttyq jobasy aıasynda ımportty almastyrý boıynsha júıeli jumys júrgizip jatyr. Neǵurlym ımporttalatyn pozıtsııalar aıqyndaldy, olardyń árqaısysy boıynsha naqty ınvestıtsııalyq jobalar iske asyrylyp jatyr.
«Mejelengen maqsatqa qol jetkizý úshin birqatar memlekettik qoldaý sharalary, onyń ishinde jeńildikpen kredıtteý, sýbsıdııalaý, jer resýrstary, ınfraqurylym, sondaı-aq ishki naryqty qorǵaý jónindegi sharalarmen qamtamasyz etý boıynsha júzege asyrylady»,-delingen habarlamada.