Іshki naryqta gaz tutyný kólemi artyp keledi
«2022 jyldyń qorytyndysy boıynsha ishki naryqta taýarlyq gazdy tutyný 19,3 mlrd tekshe metrdi qurady. Onyń ishinde 42 paıyzyn ónerkásiptik kásiporyndar, 25 paıyzyn halyq jáne kommýnaldyq-turmystyq tutynýshylar, 33 paıyzyn otyn-energetıkalyq keshender tutyndy. 2020 jylmen salystyrǵanda gaz tutyný 2 mlrd tekshe metrden astam aıtarlyqtaı óskenin atap ótkim keledi. Osyǵan baılanysty mınıstrlik QazaqGaz jáne «QazMunaıGazben» birlesip resýrstyq bazany ulǵaıtý jóninde birqatar is-shara qabyldap jatyr», - dedi mınıstr.
Onyń sózine qaraǵanda, birinshiden, gaz jobalary úshin fıskaldyq preferentsııalardy kózdeıtin jer qoınaýyn paıdalanýǵa jaqsartylǵan modeldik kelisimshart qabyldandy.
Ekinshiden, jer qoınaýyn paıdalanýshylardan gaz satyp alýdyń jańa yntalandyrýshy formýlasy qabyldandy.
Bul gaz ken oryndaryna ınvestıtsııa tartýdy qamtamasyz etedi.
«Úshinshiden, «QazMunaıGaz» jáne QazaqGaz ulttyq kompanııalary gaz kenishi men jańa ken oryndaryn ıgerýge engizý boıynsha jol kartasyn ázirledi. Tórtinshiden, iri ken oryndarynyń aktsıonerlerimen gaz óńdeý qýatyn salý boıynsha kelissóz júrip jatyr. Sonymen qatar, Energetıka mınıstrligi gaz ımporty máselelerin pysyqtaýda», - dedi Bolat Aqsholaqov.