Іshki naryq unmen tolyqtaı qamtamasyz etiledi - Erbol Qarashókeev

ASTANA. QazAqparat - QR Aýyl sharýashylyǵy mınıstri Erbol Qarashókeev bıdaı baǵasyna qatysty pikir bildirdi, dep habarlaıdy QazAqparat tilshisi.

«Qazaqstanda baǵa turaqty. 15 qyrkúıekten bastap forvard sharttary boıynsha satyp alý baǵasyn jarııaladyq, baǵa 121 myńnan 125 myń teńgege deıin belgilendi. Qazirgi kezde forvard sharttary aıasynda astyq jınaý jaqsy qarqynda júrip jatyr. Sondyqtan astyq quny da turaqty deńgeıde tur», - dedi E. Qarashókeev Úkimet otyrysynan keıin tilshiler saýalyna jaýap bere otyryp.

Onyń aıtýynsha, eksport naryǵynda astyq baǵasy ósetin bolady. Bul otandyq aýyl sharýashylyǵy taýarlaryn óndirýshiler úshin tıimdi.

«Bıylǵy jaqsy nátıjeni eskere otyryp, ishki naryqty tolyqtaı ózimizdiń astyqpen jáne unmen qamtamasyz etemiz», - dedi mınıstr.

Budan buryn habarlanǵandaı, elimizde nan baǵasy qymbattady.

Foto:primeminister.kz