Іshki naryq munaı ónimderimen tolyq qamtamasyz etildi - mınıstr Noǵaev

NUR-SULTAN. QazAqparat - Qazaqstannyń ishki naryǵy munaı ónimderimen tolyq qamtamasyz etildi. Bul týraly Úkimet otyrysynda QR Energetıka mınıstri Nurlan Noǵaev aıtty, dep habarlaıdy QazAqparat tilshisi.

«Munaı ónimderin óńdeý 2020 jyldyń qańtar-shilde aılarynyń qorytyndysy boıynsha 6,4 mln tonnany qurady. Búginde munaı ónimderin óńdeý esepti jyldyń josparymen salystyrǵanda ósim kórsetýde. ıAǵnı, avtobenzın 2,5 mln, dızel otyny 2,5 mln, áýe otyny 253 myń, mazýt 1,4 mln tonna óndirildi. Bıtým óndirisi 539 myń tonnany nemese ótken jyldyń jeti aıymen salystyrǵanda 116,7 paıyzdy qurady», -dedi ol.

Osy rette mınıstr munaı ónimderin óńdeý kórsetkishiniń artýyna ne sebep bolǵandyǵyn túsindirip ótti.

«Munaı óńdeý zaýyttaryn jańǵyrtýdyń nátıjesinde munaıdy tereń óńdeý qamtamasyz etildi. Búgingi tańda ishki naryq munaı ónimderimen tolyq qamtamasyz etilgen»,- dedi Nurlan Noǵaev.