Іshki ister vıtse-mınıstri Petropavldaǵy oqıǵanyń qalaı bolǵanyn aıtty
«13 aqpanda saǵat 07.52-de Petropavl qalasynyń polıtsııa basqarmasyna №4 orta mekteptiń oqýshylaryna dene jaraqatyn keltirý týraly habarlama tústi.
Oqıǵa bolǵan orynǵa jyldam jedel-tergeý toby shyǵyp, tekserý barysynda saǵat 07:40-ta rıýkzagynda balta, pyshaq jáne qoldan jasalǵan maska salynǵan 9 synyp oqýshysy anyqtaldy.
Ol saǵat 07:50-de 2-shi qabatta ornalasqan ájethanada maskasyn kıip, baltamen dálizge júgirip shyǵyp, 10-shy synyp oqýshysynyń basynan eki ret uryp, odan keıin 10-shy synypta oqıtyn qyzdyń ıyǵynan 1 ret jáne basynan eki ret urǵan, sondaı-aq 9-shy synyp oqýshysynyń basynan bir ret urǵan. Shabýyl jasaǵan balany joǵary synyp oqýshylary men muǵalimder ustaǵan.
Eki jábirlenýshi qalalyq emhananyń statsıonarynda jatyr, jaǵdaılary birqalypty, bir oqýshy medıtsınalyq kómek kórsetilgennen keıin úıine qaıtaryldy», - dedi vıtse-mınıstr.
Eske salsaq, Petropavlda 9-synyp oqýshysy mektepke qarýlanyp kelip, birneshe balany jaraqattaǵan bolatyn.
Keshe tús kezinde oqıǵa kezinde zardap shekken oqýshylar jansaqtaý bóliminde jatqany belgili boldy.
Ashyq kózderden alynǵan foto