Іshki ister organdaryn ońtaılandyrý jumys sapasyn arttyrady - Joldaý

SEMEI. QazAqparat - Memleket basshysy bıylǵy Joldaýyndaǵy ishki ister organdarynyń jumysyn ońtaılandyrýǵa erekshe kóńil bólip otyr. Bul óte qýantarlyq jaǵdaı. Bul pikirdi Shyǵys Qazaqstan oblysy Іshki ister departamentiniń Semeı qalasy ІІB shtab bastyǵy, polıtsııa kapıtany Jasulan Kákimov bildirdi, dep habarlaıdy QazAqparat.

«Men polıtsııa qyzmetkeri retinde Elbasymyz Nursultan Nazarbaevtyń halyqqa arnaǵan Joldaýyndaǵy quqyq qorǵaý salasyn ońtaılandyrýǵa qatysty kóterip otyrǵan máselelerdi tolyqtaı qoldaımyn. Óıtkeni osy mindetter óz sheshimin tapqan kezde elimizde «Polıtsııa-meniń qorǵanym» ustanymy údesinen shyǵa biletin kásibı, polıtsııa qalyptasady. Joldaýda Elbasy ishki ister organdarynda tek qana kásibı sheberlerdiń qyzmet etýin talap etip otyr. Osy maqsatta ishki ister organdarynda kezekten tys attestatsııa ótkizilmek. Onyń nátıjesi boıynsha úzdik dep tanylǵandar ǵana óz qyzmetin jalǵastyrýǵa quqyly»,-dedi Jasulan Kákimov.

Sonymen qatar, Elbasy Joldaýynda polıtsııa qyzmetin ońtaılandyrý isin qolǵa alýdy mindet etip qoıdy. Polıtsııa kapıtany tártip saqshylaryn  negizgi mindetine kirmeıtin qosalqy qyzmetterden bosatyp, osynyń negizinde únemdelgen qarjyǵa jalaqyny kóterip, polıtseılerdi baspanamen qamtý máselesin sheshý búgingi kúnniń basty máselesi ekenin aıtty.

«Bul polıtsııa sapynda óz isine adal berilgen, kásibı mamandar ǵana qalyp, olardy materıaldyq-áleýmettik qorǵaý máselesiniń oń sheshilýin qamtamasyz etedi. Іshki ister organdaryn jańǵyrtýdyń jol kartasy aıasynda kadrlyq daıarlaýdyń jańa standarty qaralyp, halyqpen jumys isteýdiń tyń júıesi qolǵa alynbaq. Memleket basshysy salany jańǵyrtý zaman talaby ekenin atap ótti. Kelesi jyldan bastap qoǵamdyq tártipti saqtaý jáne qylmyspen kúres júrgizetin elimizdiń polıtsııasy endi qyzmettik modelge kóshiriledi»,- deıdi Semeı qalasy ІІB shtab bastyǵy.