Іshki ister mınıstrliginiń keıbir fýnktsııalary ózgeredi

ASTANA. QazAqparat – Іshki ister mınıstrligine ekstremızm men terrorızmge qatysty isterdi ashý úshin quzyrly organdardyń qyzmetin úılestirý quzyreti berilmek. Bul týraly «Ashyq» NQA portalynda jarııalanǵan Úkimet qaýlysynyń jobasynda jazylǵan, dep habarlaıdy QazAqparat tilshisi.

«Іshki ister mınıstrligi ekstremızm men terrorızmge qarsy is-qımyl salasynda Qazaqstan Respýblıkasy ishki ister organdarynyń múddeli qyzmetteri arasynda ózara is-qımyl jasasýdy qamtamasyz etedi», - delingen qujatta.

Qaýlyǵa qosymsha berilgen túsindirmede bul bastama ekstremıstik jáne terrorıstik uıymdardyń qylmysyn ashý baǵytyndaǵy quzyrly organdardyń qyzmetin ortalyqtandyrý maqsatynda usynylyp otyrǵany jazylǵan.

«Bul shara ekstremıstik jáne terrorıstik uıymdardyń qylmysyn, sondaı-aq krımınaldy baǵyttaǵy destrýktıvti dinı aǵym ustanýshylary jasaǵan qylmystardy ashýǵa jáne tergelýin odan ári súıemeldeýge qatysty krımınıaldyq polıtsııa, uıymdasqan qylmysqa qarsy kúres jáne esirtki qylmysyna qarsy is-qımyl bólinisterimen ІІO quzyrly qyzmetteriniń jumysyn ortalyqtandyra otyryp úılestirýge múmkindik beredi», - dep túsindirme berilgen ózgeriske.

Qaýlyny ashyq talqylaý 13 naýryzǵa deıin jalǵasady.