Іshki ister mınıstrliginde vedomstvolyq medıtsına salasyndaǵy máseleler talqylandy
«ІІM qoǵamdyq keńesinde vedomstvolyq medıtsına salasyndaǵy máseleler talqylandy. Keńes músheleri ІІM medıtsınalyq qyzmeti úshin ishki ister organdaryn jańǵyrtý jónindegi jol kartasynda kózdelgen is-sharalardyń iske asyrylý barysyn zerdeledi. Esterińizge sala keteıik, 2019 jyldyń basynan bastap Elbasynyń tapsyrmasy boıynsha mınıstrlik ishki ister organdaryn jańǵyrtýǵa kiristi. Bul is-sharalardyń mańyzdylyǵy men ózektiligin Memleket basshysy atap ótip, polıtsııa reformasy boıynsha naqty mindetter qoıdy», - dedi resmı ókil ІІM baspasóz alańynda ótken brıfıngide.
Onyń atap ótýinshe, keńeste ishki ister organdary qyzmetkerleriniń otbasy múshelerin memlekettik medıtsınalyq saqtandyrý týraly ІІM Tyl departamentiniń basshysy Qaısar Sultanbaev baıandaǵan. Ol ІІO qyzmetkerleriniń barlyq otbasy músheleri «Mindetti áleýmettik medıtsınalyq saqtandyrý týraly» Zańǵa sáıkes saqtandyrylǵanyn jáne áleýmettik medıtsınalyq saqtandyrý júıesine jalpy negizde qatysatynyn aıtqan.
«Respýblıka boıynsha júz myńnan astam ІІO qyzmetkerleri jáne Ulttyq ulannyń áskerı qyzmetshileri bar. Olardyń otbasy músheleriniń sany 130 myńnan astam adamdy quraıdy, onyń ishinde 50 myńnan astamy – balalar», - dedi ol.