Іshki ister mınıstrligi detektıvtik shyǵarmalar baıqaýyn jarııalady

NUR-SULTAN. QazAqparat - Іshki ister mınıstrligi «Sert» atty respýblıkalyq detektıvtik shyǵarmalar baıqaýyn jarııalady. Bul týraly vedomstvo baspasóz qyzmetiniń ókili Shuǵyla Turlybek málim etti, dep habarlaıdy QazAqparat tilshisi.

«1 sáýirden bastap ІІM alǵash jarııalaǵan «Sert» ádebı baıqaýyna detektıvtik janrlar boıynsha shyǵarmalar qabyldaý bastalady. Baıqaý Qazaqstan Respýblıkasy Táýelsizdiginiń 30 jyldyǵyn merekeleý sheńberinde ótkiziledi, onyń maqsaty - halyqtyń quqyqtyq sanasy men quqyqtyq mádenıetiniń deńgeıin arttyrý. Shyǵarmalardy qabyldaý 2021 jyldyń 1 mamyryna deıin júrgiziledi», - dedi Sh. Turlybek.

Onyń aıtýynsha, konkýrsqa prozanyń buryn jarııalanbaǵan detektıvtik shyǵarmalary qabyldanady.

Baıqaýdyń qorytyndysyn belgili jazýshylar men aqyndardan, synshylar men qoǵam qaıratkerlerinen, jýrnalıster men ishki ister organdarynyń ardagerlerinen quralǵan qazylar alqasy shyǵarady.

Shyǵarmalar uıymdastyrý komıtetiniń elektrondy poshtasyna ([e-mail]) «konkýrsqa» degen belgimen jiberilýi tıis.

«Shyǵarmalardy qabyldaý, baǵalaý sharttary men baıqaýdyń erejesi týraly qosymsha aqparatty bizdiń portaldan, Polisia.kz saıtynan, óńirlik polıtsııa departamentteriniń áleýmettik jelidegi paraqshalarynan oqı alasyzdar», - dedi Shuǵyla Turlybek.