Іshki ister mınıstrligi BUU-men birlesken jobalardy iske asyrmaq
QR Іshki ister mınıstri Erlan Turǵymbaev Qazaqstan Respýblıkasyndaǵy Birikken Ulttar Uıymynyń Esirtki jáne qylmys jónindegi basqarmasynyń Baǵdarlamalyq keńsesiniń basshysy Navıd Rıazben kezdesti.
Sondaı-aq, is-sharaǵa Esirtki quraldarynyń, psıhotroptyq zattar men olardyń prekýrsorlarynyń zańsyz aınalymyna qarsy kúres jónindegi Ortalyqazııalyq óńirlik aqparattyq úılestirý ortalyǵynyń (OAÓAÚO) dırektory Mıralızoda Rýstam Azız qatysty.
Esirtki quraldarynyń, psıhotroptyq zattar men olardyń prekýrsorlarynyń zańsyz aınalymyna qarsy kúres jónindegi Ortalyq Azııa óńirlik aqparattyq úılestirý ortalyǵy 2007 jyly qarashada Almaty qalasynda BUU-nyń Esirtki jáne qylmys jónindegi basqarmasynyń jobasyn iske asyrý aıasynda quryldy.
Kezdesý barysynda qatysýshylar BUU EQB jáne ІІM-niń aǵymdaǵy birlesken jobalaryn, onyń ishinde OAÓAÚO qyzmeti boıynsha, BUU-nyń «ekstremıstik jáne terrorıstik baǵyttaǵy qylmystary úshin sottalǵandarmen jumysty kúsheıtýdi qoldaý jáne penıtentsıarlyq mekemelerde zorlyq-zombylyq týǵyzatyn radıkaldanýdyń aldyn alý» baǵdarlamasy, sondaı-aq polıtsııa reformasy boıynsha taqyryptardy talqylady.
Qatysýshylar halyqaralyq yntymaqtastyqty keńeıtý, oń tájirıbe almasý arqyly ózara baılanysty arttyrýdyń mańyzdylyǵyn atap ótti. Kezdesý ózara túsinistik pen konstrýktıvti dıalog atmosferasynda ótti.