Іshki ister mınıstrligi «102» mobıldi qosymshasyn iske qosty
ІІM basshysy bul qosymshanyń polıtsııa qyzmetkerleriniń oqıǵalar men azamattardyń habarlamalaryna jedel áreket etý maqsatynda jasalǵanyn atap ótti.
«Mınıstrlik aldynda turǵan mindetterdiń biri – zamanaýı tehnologııalyq, azamattardyń senimine ıe ishki ister organdary júıesin qurý. Búgin «Halyq únine qulaq asatyn memleket» tujyrymdamasyn iske asyrý aıasynda biz resmı túrde halyqqa yńǵaıly jańa servıs – «102» mobıldi qosymshasyn iske qosamyz. Aqparattyq tehnologııalardyń qazirgi damý deńgeıinde kez kelgen aqparat tez taralady. Polıtsııanyń azamattardyń habarlamalaryna den qoıýy da osyndaı tez bolǵanyn qalaımyz. Kún saıyn búkil respýblıka boıynsha polıtsııanyń jedel basqarý ortalyqtarynyń operatorlary 102-arnaǵa kelip túsken 10 myńǵa jýyq habarlamaǵa jaýap beredi. Sonymen birge, oqıǵa týraly aqparat polıtsııaǵa emes, áleýmettik jelilerge jiberiletin jaǵdaılar da kezdesedi. Ádette, túrli oqıǵalardyń kýágerleri fotosýretterdi nemese vıdeolardy óz paraqshalaryna salady nemese tanymal pablıkterge jiberedi. Bul oqıǵalardy bizdiń mamandar áleýmettik jelilerdi baqylaý kezinde anyqtaıdy. Bul rette polıtsııa qyzmetkerleri quqyq buzýshylyqtyń jolyn kesý nemese qylmysty «izin sýytpaı» ashý úshin paıdalanýǵa qajet bolatyn qymbat ýaqytty joǵalady», - dep jazdy mınıstr.
Sonymen birge, mınıstr mobıldi qosymshany paıdalanýdyń artyqshylyqtary týraly aıtty. Bul – oqıǵalar týraly qysqa habarlamalar men foto, vıdeolar jiberý múmkindigi jáne oqıǵa ornynan tikeleı beıneqońyraý shalýǵa bolady, bul JBO operatoryna ne bolyp jatqanyn kórýge jáne dereý tıisti sharalar qabyldaýǵa múmkindik beredi.
«Qosymsha arqyly sybaılas jemqorlyq, polıtsııa qyzmetkeri tarapynan jasalǵan bopsalaý faktisine tap bolǵan jaǵdaıda, ІІM-niń Ózindik qaýipsizdik qyzmetine de júginýge bolady. Qosymshanyń kómegimen jáne birlesken kúsh-jigerimizdiń arqasynda polıtsııanyń jedel áreket etýi, qylmystardy ashýdaǵy tıimdilik artady jáne kóptegen quqyq buzýshylyqtardyń aldyn alýǵa bolady dep kútemiz. Eger ózińizge nemese ózgelerge qaýip tónip tur dep oılasańyz, mas adamnyń rólge otyrǵanyn kórseńiz, zorlyq-zombylyqtyń kýási bolsańyz, janýarlarǵa qatygezdik jasalyp jatqanyn kórseńiz, kúdikti adamdy baıqasańyz, dereý habarlańyz. Tek birlesken kúsh-jigerimizben ǵana quqyqbuzýshylyqqa tózbeıtin jáne qaýipsiz qoǵam quramyz», - deıdi Іshki ister mınıstri.
Jańa yńǵaıly servıs azamattarǵa 1 aqpannan bastap qoljetimdi. Qosymshany Android júıesindegi smartfondarǵa arnalǵan Play Market-ten jáne IOS júıesindegi smartfondarǵa arnalǵan App Store-dan júkteýge bolady.