Іshki ister mınıstri jarylǵysh zat týraly jalǵan habarlamalardy tekserýdiń qıyndyǵyna toqtaldy

AQTÓBE. QazAqparat – Aqtóbege QR Іshki ister mınıstri Marat Ahmetjanov keldi. Jýrnalıstermen kezdesý kezinde mektepterge bomba qoıylǵany týraly jalǵan aqparattyń taralýy, kúres joly týraly aıtyp berdi, dep habarlaıdy QazAqparat tilshisi.

Sońǵy jyldary Aqtóbe qalasyndaǵy mektepterge bomba qoıyldy degen aqparat kóp tarap, arnaıy qyzmet tekserý júrgizýdi jıiletti. Tipti alǵashqy qońyraý kúni de dúrlikken kezder boldy. Sonymen birge bir sátte birneshe bilim ordasy qatar nazarǵa ilikti.

Aqtóbege kelgen ІІM Marat Ahmetjanov baspasóz máslıhatynda osyǵan qatysty suraqqa jaýap berdi.

«Bul – qylmystyq is. Oqý, óndiristik protseste irkilis bolyp, materıaldyq shyǵyn ákeledi. Ár habarlama muqııat tekseriledi. Bul - talap. Saýda ortalyqtary bolsa, bilim oshaǵynda da adamdar evakýatsııalanady. Ókinishke qaraı nómirleri, elektrondy mekenjaılary anyqtalmaı jatady. Keıde ózge elden jiberiledi. Keıbiri buzaqylyq jasaıdy, mektepke barǵysy kelmegender habarlaıdy, keıde adamdar arasynda úreı týdyrý úshin ádeıi jalǵan habarlama beretinder bar. Qazir mektepterdiń qaýipsizdigi mańyzdy. Bilim oshaqtarynyń kóbinde beınebaqylaý kamerasy bar, dabyl júıesi qondyrylǵan. Elektrondy týrnıket ornatylǵan. ІT mamandar da jumys istep jatyr. Olardyń bul baǵyttaǵy jumysy jaqsy nátıje beredi dep úmittenemiz», - dedi ІІM Marat Ahmetjanov.