Іshki ister mınıstri zańsyz mıtıngilerge pikir bildirdi

NUR-SULTAN.QazAqparat – QR Іshki ister mınıstri Erlan Turǵymbaev elimizde bolǵan zańsyz mıtıngilerge qatysty pikir bildirdi, dep habarlaıdy QazAqparat tilishisi.

«21 qyrkúıekke deıin QR Bas prokýratýrasy barlyq qalalarda zańsyz mıtıngilerge jol berilmeıtindigi týraly aldyn ala eskertý jasaǵan edi. Sonymen qatar, bizdiń vedomstvo da bul is-qımyldar zańsyz ekenin habardar etti», - ded mınıstr Úkimet otyrysynan keıin tilshilerdiń saýalyna jaýap bere otyryp.

Onyń atap ótýinshe, 21 qyrkúıek kúni mıtıngiler ótetin oryndarǵa polıtsııa tartyldy, sondaı-aq tıisti profılaktıkalyq jumystar júrgizilgen.

«Osy kúni ishki ister organdaryna 100-ge jýyq adam jetkizilip, onyń 15-i ákimshilik qamaýǵa alyndy jáne 6 ákimshilik aıyppul salyndy. Qalǵan azamattarǵa qatysty profılaktıkalyq jumystar júrgizildi», - dedi E. Turǵymbaev.

Onyń sózine qaraǵanda, zańsyz mıtıngiler elimizdiń 7 qalasynda ótken.

Buǵan deıin, Bas prokýratýra 21 qyrkúıekte bolatyn sherýge qatysty halyqqa úndeý tastaǵan edi. Osy oraıda zańsyz narazylyq aktsııalaryn ótkizetinder qandaı jaýapkershilikke tartylatyny túsindirildi.