Іshki ister mınıstri turǵyndardy jeke qabyldady
Mınıstrmen birge qabyldaýǵa tergeý, jeke qaýipsizdik departamentteriniń basshylary, Nur-Sultan qalalyq polıtsııa departamenti basshysynyń orynbasary jáne «Nur Otan» partııasynyń ókilderi qatysty.
Qabyldaýǵa Nur-Sultanda turatyn 50-ge jýyq turǵyn jazyldy. Odan bólek, tikeleı beınebaılanys arqyly óńirlerden shaǵymdanýshylar habarlasty.
«Men sizge taǵy da júginýge májbúrmin. Tamyz aıynda alaıaqtyq isi jóninde sizdiń jeke qabyldaýyńyzda boldym. Іsti eki ret toqtatty. Eki tergeýshi de shyǵarǵan qaýlysy úshin jazalandy. Siz komıssııa taǵaıyndadyńyz. Biraq eshqandaı tujyrymdama men habarlama alǵan joqpyn. Qansha ýaqyt ótse de, bas tartý túrindegi jaýap alyp kelemin», - dedi Shymkent qalasynan habarlasqan Lılııa Ahmetova.
«Sizdiń máseleńiz boıynsha bas prokýratýraǵa eki ret ótinishhat jiberdik. Sizdiń aıǵaqtaryńyz qosymsha tergeýdi qajet etedi. Alaıda Bas prokýratýra isti qaraýdan resmı túrde bas tartty. Jazbasha habarlama bar», - dep túsindirdi QR ІІM Tergeý departamentiniń basshysy.
Óz kezeginde mınıstr Bas prokýrordyń atyna ótinish jazýǵa keńes berdi.
«Sizdiń qylmystyq isińiz boıynsha tergeýshiler jazalandy. Barlyq kedergiler joıyldy, tergeý júrgizildi. Sizge endi jeke tulǵa retinde Bas prokýrordyń atyna ótinish jazýdy usynamyn. Men de sizdiń ótinishińizdi qoldaımyn. Bul – tyǵyryqtan shyǵatyn jalǵyz jol, óıtkeni bul qaýlynyń kúshin joımaı, zań boıynsha tergeý júrgizilmeıdi. Shymkenttiń polıtsııa departamenti aryz jazýǵa jáne ony rásimdeýge kómektesedi», - dedi E. Turǵymbaev.
Qabyldaýǵa polıtsııa qyzmetkerleriniń áreketine, qylmystyq istiń jabylýyna nemese qylmystyq istiń nátıjesine kóńili tolmaý syndy túrli sıpatta aryz-shaǵym tústi. Sonymen birge, keshirim suraý nemese jazany aýystyrý, qylmystyq istiń nátıjesimen kelispeý, qylmystyq istiń toqtatylýy jóninde ótinishter jazyldy.